У Гарадзенскай вобласці ў старажытным касцёле Унебаўзяцця Найсвяцейшай Дзевы Марыі ў Дзятлаве зноў загучаў старадаўні духавы арган. Як паведамляе суполка «Каталікі Беларусі», інструмент прайшоў працяглую рэстаўрацыю.
Арган быў створаны ў 1911 годзе вядомым віленскім майстрам Вацлавам Бярнацкім і з’яўляецца ўнікальным для Беларусі. Ён мае рэдкую пнеўматычную сістэму рэгістравай трактуры — такой канструкцыі больш няма ў Беларусі.
Касцёл у Дзятлаве, дзе стаіць арган, быў пабудаваны яшчэ ў 1646 годзе па фундацыі літоўскага падканцлера Казіміра Льва Сапегі.
