BY
PL
EN

Беларускае Радыё Рацыя. 98,1 FM – Беласток, Гародня. 99,2 FM – Берасце

Радыё ONLINE

У Мастоўскім раёне пройдзе «Гудзевіцкі фэст»

15 чэрвеня ў аграгарадку Гудзевічы Мастоўскага раёна ўпершыню пройдзе «Гудзевіцкі фэст». Свята праводзіцца з мэтай захавання і папулярызацыі ўнікальных традыцый падвойнага ткацтва, унесеных у Дзяржаўны спіс гісторыка-культурных каштоўнасцей Рэспублікі Беларусь.

Фота: wikipedia


У мясцовым літаратурна-краязнаўчым музеі сабрана 20 падвойных дываноў. Першы экспанат з’явіўся ў 1981 годзе. Паэтка Ларыса Геніюш, дзед якой жыў у Гудзевічах, ахвяравала музею падвойны дыван з надпісам «1900R». Дзякуючы такому каштоўнаму экспанату стваральнік музея Алесь Белакоз зацікавіўся тэмай падвойнага ткацтва і пачаў шукаць іншыя вырабы, выкананыя ў гэтай тэхніцы.

Сёлета вёсцы Гудзевічы спаўняецца 485 гадоў.

Беларускае Радыё Рацыя