30 чэрвеня ў пункце пропуску «Брэст» на беларуска-польскай мяжы пачнуцца планавыя работы па рамонце асфальтабетоннага пакрыцця. Яны працягнуцца да 14 ліпеня, паведамляе мытня. У сувязі з гэтым могуць узнікнуць цяжкасці руху.
Праз «Брэст» ездзяць аўтобусы і аўто. Гэта адзіны дзейны пасажырскі пункт пропуску на мяжы Беларусі і Польшчы.
Тым часам агульны час праходжання мяжы, ад пачатку рэгістрацыі аўтамабіля ў электроннай чарзе да выезду за шлагбаум на польскім памежным пункце, зараз складае больш за чацвёра сутак. З польскага боку ў Беларусь таксама ў сярэднім час праходжання складае 26–28 гадзін.
