У пункце пропуску «Мядзінінкай» часова прыпынена афармленне транспарту, паведамілі ў Дзяржаўным пагранічным камітэце.
Паводле інфармацыі літоўскага боку, з 03:00 14 ліпеня ў літоўскім пункце пропуску «Мядзінінкай» (сумежны беларускі — «Каменны Лог») адзначаюцца праблемы ў рабоце праграмнага забеспячэння. У сувязі з гэтым сумежным бокам па тэхнічных прычынах часова прыпынена афармленне легкавога і грузавога транспарту, які накіроўваецца ў Літву.
У ДПК падкрэслілі, што ў напрамку Беларусі афармленне праводзіцца ў штатным рэжыме.
«Рэкамендуем грамадзянам і грузаперавозчыкам улічваць дадзеную інфармацыю і сачыць за сітуацыяй на мяжы на нашым інфармацыйным партале. Аб аднаўленні афармлення літоўскім бокам асоб і транспарту будзе паведамлена дадаткова», — адзначылі ў ДПК.
