Сёння, 15 студзеня, уступае ў сілу пагадненне паміж Беларуссю і Лаосам аб узаемнай адмене віз для ўладальнікаў звычайных пашпартоў. Пра гэта паведаміла пасольства Беларусі ў В’етнаме.
Згодна з дакументам, грамадзяне Беларусі і Лаоса могуць уязджаць на тэрыторыю дзвюх краін і знаходзіцца там без візы да 30 дзён з даты ўезду. Агульная працягласць знаходжання не павінна перавышаць 90 дзён на працягу аднаго каляндарнага года.
Пры ўездзе неабходна мець пашпарт, тэрмін дзеяння якога складае не менш за 180 дзён.
У выпадку, калі грамадзяне плануюць знаходзіцца на тэрыторыі адной з краін больш за 30 дзён, ім неабходна загадзя аформіць адпаведную візу.
