Беларусаў, што прыязджаюць ў літоўскую сталіцу Вільню, запрашаюць наведаць беларускія мясціны гэтага гораду.
І пра іх ім распавядзе экскурсаводка, даследчыца беларускіх вязняў ГУЛАГу Валерыя Чарнаморцава:
-Да апошняга моманту я называла гэта не экскурсіямі, а шпацырамі. Таму што пакуль не было пасведчання экскурсійнага. Але літаральна пару тыдняў таму закончыла нарэшце з вялікімі складанасцямі курсы экскурсаводаў, і спадзяюся ў хуткім часе атрымаць экскурсійнае пасведчанне. Я арыентуюся, канешне, найперш на беларусаў.
Па словах Валерыі, у Вільні яна ладзіць не толькі экскурсіі, але і запрашае да ўдзелу ў тэматычных квэстах:
-Ёсць, канешне, класічная беларуская Вільня, пачынаючы з Вострай Брамы і Базыльянскіх муроў. Базыльянскія муры – гэта сэрца беларускай Вільні, для нас вельмі важна падкрэсліваць сем вякоў беларускай гісторыі. Але мы яшчэ ладзім квэсты па Вільні. І гэта тэматыка, напрыклад, 1863.
Каб запісацца на экскурсію, дастаткова знайсці Валерыю ў сацыяльных сетках і забраніраваць дату правядзення імправізаванай вандроўкі па літоўскай сталіцы.
Цалкам матэрыял:
Беларускае Радыё Рацыя
