Нягоцін (па-нямецку Löwentinsee) — марэннае возера ў Вялікім Мазурскім Паазер’і, што ў Вармінска-Мазурскім ваяводстве Польшчы. Плошча возера складае 2604 гектары, максімальная глыбіня — да 39,7 метра. Гэта трэцяе па велічыні возера Мазурскага Паазер’я.
Вакол Нягоціна размешчана мноства турысцкіх баз і курортаў, у тым ліку папулярныя горад Гіжыцка і мястэчка Вількасы. На поўначы возера знаходзіцца Гіжыцка, а на захадзе — Вількасы.
Праз возера праходзіць судаходны шлях з Гіжыцка ў Мікалайкі, а мноства прыстаняў прыцягваюць аматараў яхтаў і лодак. Улетку тут ладзяцца рэгаты, а зімой, калі вада замярзае, паверхня возера становіцца ідэальнай для буераў. Па Нягоціне таксама курсуюць круізныя караблі.
Беларускае Радыё Рацыя
