У пятніцу, 10 кастрычніка, з Менска пачнуць курсіраваць новыя рэйсы ў Польшчу і Літву. Пра гэта распавялі выданню Office Life прадстаўнікі сервісу «Атлас Бас».
Рэйс Менск-Каўнас будзе праходзіць праз два аэрапорты ў Літве: Вільні і Каўнаса. Адпраўленне з Менска – у 4:00 раніцы. У кампаніі адзначаюць, што чэргаў на мяжы з Літвой апошнім часам няма.
Назад з Каўнаса аўтобус выязджае ў 22:30. Пакуль рэйс будзе ў раскладзе праз дзень.
Яшчэ адзін новы рэйс запусцяць з Менска ў Беласток. Яго называюць самым танным напрамкам для паездак у Еўразвяз, бо квіток у адзін бок абыйдзецца ў 105 рублёў. Праўда, пакуль аўтобус будзе ездзіць толькі па пятніцах. З Менска ён будзе выязджаць у 21:15. Па раскладзе паездка зойме каля 9 гадзін, але варта ўлічваць мяжу. У зваротны шлях з Беластока аўтобус будзе адпраўляцца па нядзелях у 19:40.
Беларускае Радыё Рацыя
