З 25 траўня з Менска запускаюць рэйсы на востраў Хайнань – курорт, які называюць кітайскімі тропікамі. Інфармацыя пра рэйсы ўжо з’явілася ў сезонным раскладзе, апублікаваным на сайце Нацыянальнага аэрапорта Менск, паведамляе onliner.by.
Рэйсы будзе выконваць кітайская лаўкост-авіякампанія Beijing Capital Airlines на лайнеры Airbus A330-300. Самалёт будзе курсіраваць двойчы на тыдзень. Час вылету з Менска ў 21:00, прылёту ў Санья – 7:30 раніцы. Палёт зойме прыкладна 11 гадзін.
Цэны на білеты ўжо з’явіліся на агрэгатарах. Aviasales прапануе адзін білет за 1949 беларускіх рублёў.
Востраў Хайнань лічыцца адным з найлепшых курортных месцаў Кітая. Ён знаходзіцца на адной шыраце з Гаваямі.
