За мінулыя 24 гадзіны ў прыродных экасістэмах ліквідаваны 45 пажараў, паведамілі ў прэс-службе МНС. У рэспубліцы ўстанавілася спякотнае надвор’е, на большай частцы тэрыторыі Гомельскай вобласці аб’яўлена надзвычайная пажарная небяспека.
Паводле аператыўнай інфармацыі, за суткі ў рэспубліцы ўдалося ліквідаваць сем лясных пажараў, адзін тарфяны пажар і 37 узгаранняў травы і кустоў.
У найбліжэйшыя дні спякота з Беларусі не сыдзе, па паўднёвым усходзе з-за высокіх тэмператур аб’яўлены аранжавы ровень небяспекі надвор’я. Акрамя таго, з 31 жніўня па 2 верасня ў Гомельскай вобласці аб’яўлены чырвоны ровень небяспекі з-за магчымых пажараў.
