За мінулыя суткі ў лясным фондзе Мінлясгаса было ліквідавана 6 узгаранняў, паведамляе прэс-служба ведамства. Ачагі зафіксаваны ў Ганцавіцкім, Пінскім, Гарадзенскім, Магілёўскім лясгасах, а таксама ў Чачэрскім спецлясгасе. Усе ўзгаранні былі ліквідаваны на ранняй стадыі. Агульная плошча ачагоў склала 0,7 гектара.
Усяго з пачатку года ў лясах дзяржлесахова ліквідавала 386 узгаранняў. Актуальную інфармацыю пра абмежаванні на наведванне лясоў заўсёды можна адсачыць на спецыяльнай інтэрактыўнай мапе.
Нагадаем, на большай частцы тэрыторыі Віцебскай, Гомельскай і Магілёўскай абласцей 23-25 верасня чакаецца надзвычайная пажарная небяспека (5 клас).
Беларускае Радыё Рацыя
