У пункце пропуску “Варшаўскі мост” на беларуска-польскай мяжы затрыманы больш за 10 чалавек. Яны прадавалі месцы ў чарзе на ўезд у Польшчу, паведамляе МУС.
Некаторыя з затрыманых знаходзяцца ў ізалятары часовага ўтрымання.
З трыма з затрыманых паказалі «пакаяльныя» відэа. Адзін з іх гаворыць, што прадаваў месцы ў чарзе за 200-300 рублёў. Яшчэ адзін кажа, што прадае месцы ў чарзе і “зрэдку дапамагае людзям пераехаць мяжу па льготе”.
Мяркуючы па відэа, апублікаваным у каналах сілавікоў, некаторых прадаўцоў месцаў затрымлівалі, як палітычных — група захопу ўкладвала іх тварам у асфальт.
Акрамя гэтага, супрацоўнікі ДАІ сочаць за выкананнем правілаў дарожнага руху. З пачатку лета за парушэнне ПДР да адказнасці прыцягнулі больш за 1500 вадзіцеляў, веласіпедыстаў і пешаходаў.
