Беларускі гітарыст Павел Трыпуць – лідар гурта «Opteamist Project», удзельнік бэндаў «Volski», «Krambambula», «Trubetskoy» – плануе пашырыць сваю школу-студыю і запусціць курс заняткаў па вакале.
“Акрамя таго, там будуць выкладацца ўрокі сальфеджыа і тэорыі музыкі. Весці іх будзе экс-палітвязынка Юлія Юніцкая (Марчанка)”, – распавёў артыст.
– Заняткі будуць праводзіцца ад 6-7 гадоў, то бок, могуць быць дзеці, і там ужо неабмежавана. Гэта мы робім з вельмі класнай вакалісткай і выкладчыцай Юліяй Юніцкай. Яна супрацоўнічала з гуртом Irdorath і ўдзельнічала ў розных праектах. І яна выкладае. Мы адзін дзень у тыдзень будзем праводзіць безкаштоўныя заняткі для дзяцей палітвязняў.
“Запрашаем усіх на нашыя музычныя заняткі”, – дадаў Павел Трыпуць.
Марына Савіцкая, Беларускае Радыё Рацыя