Святлана Ціханоўская зрабіла заяву па выніках нядаўняга галасавання ў літоўскім Сейме адносна ўвядзення абмежаванняў для беларусаў — уладальнікаў літоўскага ДНЖ (дазволу на жыхарства), на наведванне радзімы.
Прапанаваныя папраўкі да законаў не атрымалі падтрымкі большасці дэпутатаў, але Ціханоўская нагадвае, што нават калі абмежаванняў не будзе, далёка не ўсім беларусам варта ездзіць у Беларусь,
«Памятайце пра небяспеку паездак у Беларусь, асабліва калі вы мелі досвед рэпрэсій. Не рызыкуйце сваёй свабодай. Калі вы — уладальнік гуманітарнага ДНЖ, калі ласка, устрымайцеся ад паездак у Беларусь. Гэта можа прывесці да анулявання вашых літоўскіх дакументаў», — папярэджвае дэмакратычная лідарка.
Беларускае Радыё Рацыя