Польшча будзе надалей намагацца вызвалення Анджэя Пачобута, пра гэта з трыбуны Сейму заявіў міністр замежных спраў Радаслаў Сікорскі, які выступіў са справаздачным дакладам.
Палітык выказаў заклапочанасць становішчам у Беларусі польскай нацыянальнай меншасці, якая стала «закладнікам рэжыму».
«Поўную адказнасць за найгоршы ў гісторыі стан дачыненняў нясуць улады Беларусі. У мінулым усе ўрады Польшчы імкнуліся да дыялогу. Сёння мы страцілі надзею”, — заявіў польскі міністр. Сікорскі падкрэсліў, што Польшча будзе дабівацца вызвалення вядомага журналіста, грамадскага дзеяча і сябра Саюзу палякаў Беларусі Анджэя Пачобута.
Нагадаем, што сёння ў Беластоку ў скверы каля помніка Ежы Папялушку пройдзе традыцыйная акцыя салідарнасці з палітвязнем Анджэем Пачобутам.
Беларускае Радыё Рацыя
