3-га і 24-га красавіка музей памяці габрэяў Беласточчыны “MIEJSCE” зладзіў дні нефармальнага адкрыцця. Разам з іншымі гасцямі вечарыну наведалі прэзідэнт Беластока Тадэвуш Трускаляскі і Падляшскі ваявода Яцэк Бжазоўскі.
Уражаннямі ад сустрэчы падзяліўся захавальнік грамадскага музею Томаш Вішнеўскі:
– Гэта вельмі сімвалічная сустрэча. Нам было прыемна, што з’явіўся прэзідэнт Беластока і ваявода. Гэта выразны сігнал для нас усіх, што для ўлады гэта важна. Вельмі цешуся з гэтай нагоды.
Прысутныя паслухалі лекцыі пра свята Песах ды сінагогу Цытронаў. Размаўлялі і пра “Бранскіх праведнікаў”, а таксама адбыўся паказ фільму пра заснавальнікаў Warner Brothers, чыя сям’я жыла ў Беластоку.
Беларускае Радыё Рацыя
Фота аўтара і Міраслава Шута.
