25-га красавіка музей памяці габрэяў Беласточчыны “Miejsce” (The Place) запрашае ўсіх жадаючых на адкрыты сход каманды музею. Кажа апякун грамадскай установы Томаш Вішнеўскі:
– Запрашаем усіх, хто хацеў бы аказаць дапамогу гэтаму праекту. Людзей, якія маглі б быць валанцёрамі, дзяжурыць, рабіць нейкія свае праекты. Могуць прыйсці, прапанаваць, можам зрабіць штосьці супольнае.
Падчас адкрытага сходу будзе абрана каманда валанцёраў, якія змогуць рэалізоўваць свае праекты ў музеі, даглядаць яго, а таксама развіваць брэнд установы. Пачатак сходу а 17-й па адрасе: Беласток, вул. Малмеда, 6.
Беларускае Радыё Рацыя