Беларусаў падманваюць на жаданні стаць акцыянерамі “Газпрама”.
У сеціве злачынцы размяшчаюць рэкламу выгадных інвестыцыйных праектаў “Газпрама”. Патэнцыйная ахвяра запаўняе адмысловую заяўку і неўзабаве з ёю звязваецца куратар. Махляры пачынаюць тлумачыць, куды трэба залічыць грошы і пэўны час, пакуль грамадзянін не зразумее падставы, з яго выцягваюць сродкі.
Гэта напрамую датычыць фінансавай падрыхтоўкі грамадзян, – адзначае юрыст:
– Вельмі важны момант – кожнаму чалавеку неабходна павышаць узровень сваёй фінансавай адукацыі, то бок ведаць, якія схемы выкарыстоўваюць махляры. Найбольш важна – як ім неабходна супрацьстаяць. Для выканання гэтай задачы публікуюцца розныя матэрыялы, артыкулы наконт фінансавай адукацыі і ў прыватнасці наконт фінансавага махлярства. Матэрыял гэты абнаўляецца і актуалізуецца. І мы можам абараніць сябе самі. Для гэтага неабходна выконваць вызначаныя правілы.
На тыдні ў адзін з такіх сумнеўных праектаў жыхарка Менска пералічыла каля 60 тысяч беларускіх рублёў. Грамадзянам нагадваюць, што такім чынам акцыі нельга набыць.
Беларускае Радыё Рацыя