Яна знаходзіцца ў Рэчыцкай калоніі №24 для жанчын-рэцыдывістак. Трэці раз да яе не пусцілі адваката па прычыне адсутнасці заявы.
Хаця 8 студзеня родныя атрымалі кароценькае пісьмо, у якім яна паведамляла пра напісаную на сустрэчу з адвакатам заяву, кажа муж Паліны Андрэй Шарэнда:
– Зразумела, што тое што кажуць – стандартная адмазка. Там працягваецца сістэма інкамунікада, калі палітзняволены пазбаўлены любога кантакту са светам. Такі рэжым лічыцца адным са злачынстваў супраць правоў чалавека, і пра гэта не раз узгадвалі міжнародныя арганізацыі.
Яшчэ больш засмуцілі родных словы былой палітзняволенай Міі Міткавіч, што, калі палітзняволеную адпраўляюць у Рэчыцкую калонію №24 па крымінальнаму артыкуле 411, то гэта квіток у адзін канец, гаворыць Андрэй Шарэнда:
– Тыя палітзняволеныя, якія знаходзяцца ў калоніі 24, іх стан здароўя выклікае больш за ўсё трывогі.
Вядома, што Рэчыцкая калонія №24 «праславілася» вельмі жорсткімі ўмовамі. А 411 артыкул – злоснае непадпарадкаванне адміністрацыі калоніі – можна працягваць бясконца.
Беларускае Радыё Рацыя
