Еўрапейскі гуманітарны ўніверсітэт запрашае прыняць удзел у міжнароднай навуковай канферэнцыі «Контуры сучаснай крытычнай тэорыі», якая прысвечана памяці беларускага філосафа Уладзіміра Фурса.
Кажа арганізатар, філосаф Павел Баркоўскі:
– Канферэнцыя планавалася ўжо даўно. Перад усім тыя вучні Уладзімера Фурса, якія яе рыхтавалі, спадзяваліся што яна сапраўды адгукнецца ў грамадстве. Бо Уладзімір Фурс у свой час быў адным з выбітных прадстаўнікоў філасофскай думкі ў сацыяльным полі ў Беларусі вядомым у савецкай прасторы. Мяркуецца, што будуць прымаць удзел перад усім спецыялісты, якія могуць фіксаваць ідэі філосафа. Пытанні, якія падымаў Уладзімір Фурс тычыліся ў тым ліку і месца Беларусі ў свеце, тых сацыяльных працэсаў, якія ў ёй адбываліся.
Па выніках канферэнцыі плануецца публікацыя дакладаў у часопісе «Топас». Заяўкі на канферэнцыю ЕГУ «Контуры сучаснай крытычнай тэорыі» прымаюцца да 17 сакавіка праз запаўненне анлайн-формы.
Фота Паўла Баркоўскага:
Беларускае Радыё Рацыя
