Першага сакавіка пайшоў з жыцця беларускі скульптар Ігар Голубеў. Яму было 62 гады.
Голубеў — аўтар шэрагу помнікаў славутым гістарычным асобам Беларусі. Ён стварыў помнік Уладзіміру Караткевічу на яго радзіме ў Оршы, Язэпу Драздовічу ў Траецкім прадмесці ў Менску, Напалеону Ордзе ў Іванава Брэсцкай вобласці, Еўфрасінні Полацкай ў Полацку і Менску, Васілю Цяпінскаму і Сымону Буднаму ў дворыку Беларускага дзяржаўнага ўніверсітэта.
Каля Чырвонага касцёла на Плошчы Незалежнасці ў Менску стаіць манументальная скульптурная кампазіцыя Ігара Голубева “Архангел Міхаіл перамагае зло”.
Беларускае Радыё Рацыя