У Беларусі адбываюцца ператрусы па крымінальнай “справе актывістаў дыяспары”.
Пра гэта ў сацсетках паведаміў заснавальнік фонду BySol Андрэй Стрыжак. Па яго словах, выпадкі ператрусаў пакуль нешматлікія.
“Вядома да дзесяці выпадкаў. Справа супраць актывістаў дыяспары перакрыжоўваецца па персаналіях і з чальцамі Каардынацыйнай рады і з Офісам Ціханоўскай. Можа быць дастаткова шмат перакрыжаванняў”, — перадае Радыё “Свабода” словы Стрыжака.
Паводле Стрыжака, да некаторых людзей сілавікі могуць прыйсці па некалькі разоў за кароткі час. Прычым для іх не важна, што людзей можа не быць у Беларусі ўжо вельмі даўно.
Сёння ператрус адбыўся ў менскай кватэры кіраўніка Malanka Media і платформы ZUBR Паўла Марыніча. Ён жыве па-за межамі Беларусі з 2010 года.
Таксама стала вядома, што Следчы камітэт вядзе расследаванне па актывістах дыяспары, аб’яднаных у “Народныя амбасады” і “Беларусы замежжа”.
