25 сакавіка ў Пастаўскім раёне загінуў вайсковец тэрміновай службы Мікіта Літвіновіч, даведалася «Люстэрка». Паводле інфармацыі крыніц выдання, ён здзейсніў суіцыд. Хлопца пахавалі 27 сакавіка ў Паставах.
Літвіновіч служыў памочнікам гранатамётчыка 19-й асобнай гвардзейскай механізаванай брыгады, дыслакаванай у вёсцы Заслонава Віцебскай вобласці. У сярэдзіне сакавіка брыгаду адправілі бліжэй да літоўскай мяжы ў рамках праверкі боегатовасці.
«Камандзіры не паведамілі бацькам ніякіх падрабязнасцяў. Бацьку ўдалося толькі даведацца, што разам са сваімі калегамі Мікіта «прыехаў на кропку», выйшаў пакурыць і застрэліўся», — расказала выданню крыніца.
Мікіта Літвіновіч нарадзіўся ў 2003 годзе ў Паставах. Восенню 2022 года яго прызвалі ў армію.
Фота: vk.com
