Беларускі гурт “Kurwadziki”, які цяпер жыве ў Беластоку, далучыўся да святканняў Дня Волі. “Я пачаў адзначаць гадавіну БНР не так і даўно”, – распавёў вакаліст бэнду Антон Сіроцін.
– Для мяне гэта святам стала не так даўно, можа гадоў пяць-сем таму. Дагэтуль я больш адзначаў «Чарнобыльскі шлях», Дзень Незалежнасці. Дзень Волі я пачаў адзначаць, калі гэта ўжо пачало быць мэйнстрымам. Я хачу напісаць песню на польска-беларускай трасянцы, у мяне ўжо ёсць накідкі. Але гэта трохі потым. Зараз мы запісалі песню «Званы», запісалі песню «Гарбаты і запалкі», мы запісалі песню «Дачакаюся». І зараз мы рыхтуем рэліз, і мы зробім адразу з кліпам на песню «Званы».
Таксама гурт “Kurwadziki” цяпер ладзіць у Беластоку і калабарацыі з іншымі беларускімі музыкамі.
Марына Савіцкая, Беларускае Радыё Рацыя