Міністр культуры Беларусі Анатоль Маркевіч заявіў, што “зачыстка” творчай інтэлігенцыі ў Беларусі працягваецца. Такія словы прагучалі падчас выступу ў Свята-Елісавецінскім манастыры, які вядомы падтрымкай “рускага свету” і вайны РФ супраць Украіны.
Па словах міністра з дапамогай рознага роду арт-праектаў, галерэй, культурных прастор у свядомасць маладых людзей улівалася «духоўная атрута”. «Мы зрабілі ўрокі з падзей 2020 года. Шэрагі творчай інтэлігенцыі ачышчаюцца ад асоб, якія падрывалі асновы дзяржавы, якая іх выгадавала і карміла”, – падкрэсліў міністр.
Напачатку 2022 году Маркевіч паведаміў, што з установаў культуры за «дэструктыўную пазіцыю» звольнілі больш за 300 чалавек.
Беларускае Радыё Рацыя