У Варшаве на пляцоўцы Беларускай прасторы “Робім Разам” плануюць зладзіць выставу арыгінальных карцін Алеся Пушкіна. Карціны маюць прадставіць палякі з трох прыватных калекцый на тры тыдні.
Выстава, прымеркаваная да Дня Волі, павінна адкрыцца 24-га сакавіка, кажа кіраўнік прасторы Сяргей Бульба:
– Уладальнікі гэтых карцін запатрабавалі, каб мы ўсталявалі прафесійнае асвятленне, прафесійнае абсталяванне для мацавання карцін, забяспечылі прафесійную ахову будынку на час правядзення выставы, рэкламную кампанію. Рэкламная кампанія ўключае візуальныя сродкі інфармацыі – плакаты, расцяжкі, улёткі. Трэба зрабіць страхоўку, забяспечыць перавозку карцін з прыватных калекцый за некалькі соцень кіламетраў ад Варшавы.
Выдаткі складаюць прыблізна 6000 € ці 25700 злотых ці 8745 CAD.
“Шаноўнае спадарства, мы звяртаемся да Вас па фінансавую дапамогу. З нашага боку гарантуем фінансавую празрыстасць і справаздачу за сабраныя ахвяраванні. Імёны спонсараў могуць быць агучаны афіцыйна.
Для нас вельмі важна, каб гэтая выстава адбылася!”
Рахунак для данатаў: https://donate.stripe.com/bIYbIJ3DJdq6bsc3cd
Беларускае Радыё Рацыя
