15 сакавіка ў Вільні адбудзецца канферэнцыя, прысвечаная абмеркаванню Канстытуцыі Новай Беларусі і шасці законапраектаў, падрыхтаваных у яе развіццё і дапаўненне.
Кажа ўдзельнік, дарадца Святланы Ціханоўскай па парламенцкаму супрацоўніцтву і Канстытуцыйнай рэформе Анатоль Лябедзька:
– Канферэнцыя, якая 15 сакавіка адбудзецца ў Вільні ў Сейме Літвы ў канстытуцыйнай залі, яна заканамерная для нас. Будзе больш за 40 удзельнікаў. Гэта і палітыкі, і эксперты канстытуалісты. Натуральна, што мы будзем гаварыць пра сам дзень 15 сакавіка, і мы хацелі б выкарыстаць гэтую дату для прэзентацыі пакета законапраекту, які мы зараз распрацоўваем у развіццё і дапаўненне Канстытуцыі Новай Беларусі.
Што гарантуе праект новай Канстытуцыі – гэта невяртанне да дыктатуры.
Удзел у канферэнцыі прымуць Святлана Ціханоўская, спікерка Сейма Літвы Вікторыя Чміліце-Нільсен, кіраўнік дэлегацыі Еўрапарламента па Беларусі Юозас Алекас, прэзідэнт Парламенцкай Асамблеі «Еўранэст» Андрус Кубілюс, кіраўнік групы «За Дэмакратычную Беларусь» Жыгімантас Павілёніс, а таксама беларускія і міжнародныя эксперты.
Азнаёміцца з праектамі законаў і адпаведна даслаць прапановы можна тут:
ПРАЕКТЫ ЗАКОНАЎ (kanstytucyja.online)
Цалкам матэрыял слухайце ў далучаным файле:
Беларускае Радыё Рацыя
