Выбары ў Палату Прадстаўнікоў і ў мясцовыя саветы Рэспублікі Беларусь не адпавядаюць нават мінімальным выбарчым крытэрыям. Прызначаныя выбарчыя камісіі з засакрэчанымі прозвішчамі, адсутнасць апазіцыі, на многіх выбарчых участках адсутнасць нават спойлера, толькі давераны-правераны кандыдат.
Перад выбарамі да бляску зачышчана палітычная і грамадская прастора, кажа палітолаг Дзмітрый Балкунец:
-Зразумела, што ёсць людзі, якіх прымусілі пайсці на датэрміновае галасаванне, хто працуе на дзяржпрадпрыемствах. Але я мяркую, што ў нядзелю ніякіх сур’ёзных чэргаў на ўчастках не было. Інакш паказалі б па тэлебачанні. Адпаведна, не было ніякай яўкі. І я думаю, што яна нават не адпавядала нейкім параметрам мінімальным, каб гэтыя выбары адбыліся.
Паводле Дзмітрыя Балкунца, выбары 2024 года – рэпетыцыя перад прэзідэнцкімі, на якіх Лукашэнка збіраецца легітымізавацца.
Цалкам гутарка:
Беларускае Радыё Рацыя