Зварот Уладзіміра Пуціна да Нацыянальнага сходу Расеі – гэта форма перадвыбарчай прамовы.
Так мяркуе гісторык і блогер Аляксандр Штэфанаў, які быў змушаны пакінуць Расею праз сваю антываенную пазіцыю. Чарговыя ядзерныя пагрозы расейскага прэзідэнта ў бок Захаду скіраваныя на ўнутраную аўдыторыю, як і адзіная згадка пра Беларусь у кантэксце пабудовы высакахуткасных чыгунак.
-Вось якраз важная ўнутрыпалітычная рэч. Сапраўды, для нейкай колькасці расейцаў прыемна, што можна хутка дабрацца да Менска. Гаворачы пра вяртанне нармальнасці, насамрэч, расейцы хочуць больш такога чуць, і менш усялякіх пагроз танкамі і бамбардзіровак Марыупаля.
Галасаванне на выбарах прэзідэнта Расеі адбудзецца з 15 да 17 сакавіка бягучага году. А разгорнутую гутарку з Аляксандрам Штэфанавым слухайце ў нядзельным эфіры Радыё Рацыя 3-га сакавіка.
Беларускае Радыё Рацыя
