Рознагалоссі ў Еўразвязе. Польскі прэм’ер Дональд Туск абвясціў, што ў пятніцу адбудзецца раптоўны саміт Веймарскага трохкутніка. “Сітуацыя складаная, гэта нельга адмаўляць”, — сказаў ён пасля сустрэчы з Джо Байдэнам.
Прэзідэнт Францыі Эмануэль Макрон у пятніцу адправіцца ў Берлін, каб сустрэцца з канцлерам Германіі Олафам Шольцам. Гэты крок накіраваны на памяншэнне напружанасці, якая ўзнікла паміж краінамі ў апошнія тыдні з-за рознага бачання дапамогі Украіне, заявілі POLITICO высокапастаўленыя чыноўнікі Германіі і Францыі.
Пазней да Макрона і Шольца далучыцца Дональд Туск, што, па словах нямецкага суразмоўцы, на практыцы азначае сустрэчу лідараў краін Веймарскага трохкутніка. Лідары маюць намер зрабіць сустрэчу дэманстрацыяй адзінства ў напружаны перыяд.
Беларускае Радыё Рацыя
