Арганізатарам мерапрыемства выступіла аб’яднанне Рух .
Падчас акцыі прэс-сактарка Народнага Антыкрызіснага Упраўлення Юлія Гарачая зазначыла: «Мы ўпэўненыя, што справа Андрэя – палітычна матываваная».
– З першага дня мы пачалі пісаць звароты з камандай юрыстаў НАУ. Таксама я ведаю, што офіс Святланы Ціханоўскай падключыўся да гэтай справы. Мы доўга чакалі адказу, але радуемся, што ёсць вынікі. Што Еўракамісія у курсе сітуацыі і сочыць за развіццём падзей. А намесніца міністра замежных спраў Польшчы пацвердзіла стварэнне рабочай групы ў Бялградзе па справе Андрэя. Мы маем вялікую надзею, што ў выніку гэта будзе свабода.
На завяршэнне варшаўскай акцыі прадстаўніку амбасады арганізатары перадалі петыцыю аб вызваленні Андрэя.
Нагадаем, беларускі рэжысёр і актывіст, адзін са стваральнікаў і лідараў Свабоднага аб’яднання спартоўцаў SOS BY Андрэй Гнёт быў затрыманы ў Сербіі напрыканцы мінулага году. Цяпер яму пагражае дэпартацыя.
Марына Савіцкая, Беларускае Радыё Рацыя
