Польшча спрабуе “дамагчыся таго, каб усе санкцыі, якія ўводзяцца супраць Расеі, распаўсюджваліся і на Беларусь, якая з ёй супрацоўнічае”. Пра гэта заявіў на пасяджэнні парламенцкага камітэта па замежных справах намеснік кіраўніка МЗС Польшчы Уладыслаў Барташэўскі.
Пашырэнню санкцый супраць Менску, са слоў Барташэўскага, “супраціўляецца” міністр замежных спраў Партугаліі. Аднак цяпер робяцца “моцныя спробы пераканаць яго ўключыць Беларусь у 14-ы санкцыйны пакет”. Барташэўскі нагадаў, што санкцыі — адзін з самых эфектыўных спосабаў ціску, а Менск дапамагае Расеі “абыходзіць” частку абмежаванняў. Польшча, з ягоных слоў, “падымае беларускае пытанне на ўсіх міжнародных форумах”.
Польскія палітыкі і дыпламаты кажуць і пра сітуацыю ўнутры Беларусі, рэпрэсіі і палітвязняў. Барташэўскі нагадаў, што “абсалютны прыярытэт” Варшавы — выхад з-за кратаў журналіста Анджэя Пачобута.
Беларускае Радыё Рацыя