Супольнасць антываенных расейскіх актывістаў у грузінскім Батумі дапамагае Украіне і ўкраінцам у Батумі.
Пра асаблівасці дапамогі «Расіян Батумі» распавядае каардынатарка гэтай супольнасці Анастасія Букоўскі:
-У меня вялікая частка сям’і знаходзіцца ва Украіне. У мяне там дзядзька, які па стане здароўя не можа служыць, але ён займаецца валанцёрствам і ён возіць дапамогу для ЗСУ. Часцей за ўсё ён займаецца рамонтам машын. Ён прывозіць аўто з Еўропы, рамантуе і перадае ў ЗСУ, забірае зламаныя машыны ў ЗСУ і ізноў рамантуе. Часам патрэбныя дроны ці іншае, ён проста звяртаецца з запытам – Насця, трэба сабраць вось на гэта.
Анастасія таксама дзеліцца падрабязнасцямі дапамогі украінцам у Батумі:
-Першыя актыўнасці “Расіян Батумі” пачаліся з дапамогі “Штабу дапамогі”. Мы з імі ў вельмі добрым кантакце. Спачатку нашыя хлопцы дапамагалі вазіць “гуманітарку”, якая тады яшчэ накіроўвалася ва Украіну з Грузіі, а ўжо пасля пачалі збіраць грошы. Мы едзем у вялікі супермаркет, купляем оптам крупы, парашкі і так далей, і прывозім у “Штаб дапамогі”.
Па словах Анастасіі Букоўскі, «Расіяне Батумі» стварыліся вельмі выпадкова ў першыя дні поўнамаштабнага ўварвання расейскіх войскаў ва Ўкраіну ў 2022-м годзе і зараз гэта вялікі тэлеграм-канал на больш за тысячу падпісантаў і амаль 600 чалавек у тэлеграм-чаце «Расіяне Батумі».
Беларускае Радыё Рацыя