У Варшаве ва Універсітэце Музычным імя Фрыдэрыка Шапэна адбываецца святкванне Дня Волі. Падзею ладзіць Міністэрства Замежных Спраў Рэспублікі Польшча і Аб’яднаны Пераходны Кабінет Беларусі. У імпрэзе прымаюць удзел Намесніца дзяржаўнага сакратара Міністэрства Замежных Спраў Польшчы Генрыка Мосьціцкая–Дэндыс, прадстаўніца АПК Аліна Коўшык.
На падзеі з прамовай выступілі намесніца дзяржаўнага сакратара МЗС Польшчы Генрыка Мосьціцкая–Дэндыс, прадстаўніца АПК Аліна Коўшык, а таксама прафесар, рэктар Музычнага Універсітэта імя Фрыдэрыка Шапэна Клаўдзіўш Баран.
«Мяне вельмі натхняе, што такая імпрэза адбылася», – распавяла госця ўчарыстасці, першая амбасадарка Польшчы ў Беларусі Эльжбета Смулкова.
– Я вельмі рада, што такая імпрэзы ўвогуле адбываецца. Што ўніверсітэт дае для гэтага месца, што займаюцца гэтай праблемай таксама супрацоўнікі актуальнага Міністэрства Замежных Спраў. Я ўжо даўно не маю кантакту з імі як пенсіянер, але пазнаёмілася тут з важнымі асобамі для жыцця беларусаў у эміграцыі.
Пасля афіцыйных выступаў гасцей падзеі чакаў музычны канцэрт і нефармальная частка. Імпрэзу падтрымалі палітыкі Зянон Пазняк і Павел Усаў, філосаф Павел Баркоўскі, прадстаўнікі суполкі Беларусы Варшавы, журналіст Зміцер Лукашук, музыка Пётр Клюеў ды іншыя.
Марына Савіцкая, Беларускае Радыё Рацыя