У сераду, 13 сакавіка, у Беларускім Доме адбудзецца сустрэча кніжнага клуба.
Дата: 13 сакавіка. Час: 18.30 (час мясцовы). Месца: Беларускі Дом, ul. Kryniczna 6, Варшава.
Прапануюць пагутарыць пра кнігу Ганны Кандрацюк «У прысценку старога лесу. Гісторыі людзей з Белавежскай пушчы», сёлетнюю лаўрэатку прэміі Гедройца.
Пісьменніца прапаноўвае стаць сведкамі жыцця людзей Белавежскай пушчы, паглядзець на ролю лесу ў жыцці падляскіх беларусаў.
Паводле спадарыні Ганны, ейная родная мясціна літаральна вымерла на ейных вачах. Сваімі гісторыямі апошняя сведка прамінулага свету хоча захаваць ад забыцця фрагменты той прамінулай рэчаіснасці і запісаць той непаўторны ментальны краявід, які выспеў у прысценку старога лесу.
Правілы Кніжнага клуба:
абавязкова прачытаць абраную кнігу;
на сустрэчы размовы на тэмы не датычныя літаратуры не вітаюцца.
Уваход вольны. Рэгіструйцеся па спасылцы.
Арганізатары