За тыдзень Беларусь наведала без віз 4 тысяч 386 жыхароў суседніх краін Еўразвязу. Такую статыстыку падае Дзяржаўны пагранічны камітэт Рэспублікі Беларусь. Пераважна гэта грамадзяне Літвы, Латвіі і Польшчы.
Бязвізавы рэжым дзейнічае з 15 красавіка 2022 года для жыхароў Латвіі і Літвы, з 1 ліпеня таго ж года — для жыхароў Польшчы. Аляксандр Лукашэнка некалькі разоў падаўжаў яго тэрмін, апошні раз — да канца 2024 года.
Улады названых суседніх краін неаднаразова заклікалі суайчыннікаў не наведваць Беларусь з меркаванняў бяспекі.
Беларускае Радыё Рацыя
