Іран у суботу позна ўвечары атакаваў Ізраіль. Была запушчана ў накірунку ізраільскай тэрыторыі вялікая колькасць дронаў-камікадзэ, крылатых ракет і ракет «зямля-зямля».
Пра рэакцыю жыхароў Ізраіля гаворыць беларускі праваабаронца Барыс Бухель, які жыве ў Ізраілі:
— Ізраіль паказаў тэхналагічную перавагу цалкам, ну амаль 100% збіта. Толькі адна ракета дасягнула мэты, ну і дзясятка на ваенную базу ўпала і ўсё.
І яшчэ, кажуць, што Ізраіль разбамбіў консульства, гэта хлусня. Амбасада Ірана, консульскі аддзел, там у іх ёсць і побач будынак, які не з’яўляецца пасольскім. Ізраіль паступіў законна разбамбіўшы яго, таму што там сабраліся генералы і палкоўнікі, якія планавалі атаку на Ізраіль. Ізраільская выведка дазналася пра гэта і знішчыла іх.
Еўрасаюз асудзіў атаку Ірана на Ізраіль. ЗША і Велікабрытанія дапамаглі Ізраілю паспяхова абараніць тэрыторыю Ізраіля.
Па словах Барыса Бухеля, няма сумневу ў тым, што іх дзяржава выстаіць у схватцы з тэрарыстамі.
Беларускае Радыё Рацыя
