Летась беларусы аформілі ў банках 4 мільёны 960 тысяч крэдытных дамоваў.
Агульная сума ўзятых у пазыку грошай склала 31 мільярд 890 мільёнаў рублёў. Колькасць дамоваў у параўнанні з 2022 годам вырасла больш чым на 5%, а сума крэдытаў — амаль на 15%.
У Нацбанку адзначаюць, што часцей крэдыты бяруць жанчыны. На іх долю летась прыпала амаль 55% крэдытных дамоваў. Пры гэтым агульная сума пазык вышэйшая ў мужчын. 50% з агульнай сумы выдадзеных крэдытаў або 16 млрд рублёў забралі дадому мужчыны.
Часцей за ўсё крэдыты бралі людзі ва ўзросце ад 26 да 45 гадоў. Лідар крэдытавання сярод банкаў — “Беларусбанк”. На яго долю прыйшлося 26% усіх дамоваў і 54% ад агульнай сумы крэдытаў.
Беларускае Радыё Рацыя
