Менскія падаткавікі анансавалі маштабную праверку прыватных стаматалогій. Праверыць плануюць 387 атрымальнікаў ліцэнзій, гаворыцца ў паведамленні ведамства ў тэлеграм-канале. Па выніках папярэдняга аналізу сфармуюць спіс тых, каго правераць больш дэталёва.
Раней міністр аховы здароўя Аляксандр Хаджаеў раскрытыкаваў разрыў у цэнах паміж платнымі паслугамі ў дзяржаўных паліклініках і прыватных цэнтрах. Пры гэтым толькі ў лютым цэны на стаматалогію ў юрыдычных асоб і прыватнікаў правярала Міністэрства антыманапольнага рэгулявання і гандлю.
Беларускае Радыё Рацыя
