Лясгасы вызначыліся з коштам на веснавы прыродны напой. Пры набыцці ў месцы збору, літр бярозавіку каштуе да 20 капеек, на гандлёвых пляцоўках – да 25 капеек.
Пры гэтым грамадзяне могуць самі рабіць нарыхтоўку, але пры выкананні пэўных правіл, адзначае ляснік:
-Любы грамадзянін можа сам нарыхтоўваць бярозавік, калі ёсць жаданне. Ён звяртаецца ў любое лясніцтва, ляснік паказвае лесасеку, якая адведзеная пад высечку. Існуюць абавязковыя правілы, якія трэба выконваць. Ляснік усё пакажа, раскажа. А пасля трэба абавязкова гэтую рану закрыць.
Суразмоўца нагадвае, што за парушэнне правіл нарыхтоўкі бярозавага соку, а гэта збор у забароненых месцах – прыродаахоўных зонах ці збор не па тэхналогіі, то чакае штраф: фізічную асобу да 800 рублёў, прадпрымальніка – да 4 тысяч рублёў, а юрыдычную асобу – ажно да 20 тысяч рублёў. Усё залежыць ад памераў нанесенай шкоды наваколлю.
Беларускае Радыё Рацыя