Аляксандр Лукашэнка падпісаў «Закон у пытаннях прадпрымальніцкай дзейнасці», якім, сярод іншага, пашыраны пералік грамадзян, якія павінны плаціць абавязковыя страхавыя ўнёскі ў Фонд сацыяльнай абароны насельніцтва, паведамляе Мінпрацы.
З 1 кастрычніка пенсійныя адлічэнні ў Фонд сацыяльнай абароны насельніцтва (ФСАН) стануць абавязковымі для рамеснікаў, уладальнікаў аграсядзібаў, а таксама самазанятых.
Як удакладняюць у Мінпрацы, гэтыя катэгорыі грамадзян будуць рабіць унёскі ў ФСАН паводле такой жа схемы, як і індывідуальныя прадпрымальнікі.
Паводле падлікаў Міністэрства эканомікі, пасля перагляду відаў дзейнасці колькасць індывідуальных прадпрымальнікаў можа скараціцца амаль удвая.