Спажывецкія цэны ў Беларусі растуць значна хутчэй, чым у краінах Еўрапейскага звязу, сведчаць звесткі Статыстычнай службы ЕЗ.
У сакавіку гадавая інфляцыя (да сакавіка 2023-га) у Еўразвязе склала 2,6%. Год таму гэты паказчык склаў 8,3 працэнта.
У Літве за гэты перыяд цэны выраслі на 0,4% (самы нізкі паказчык у ЕС), Латвіі – 1%, у Польшчы – 2,7%.
Па дадзеных Нацыянальнага статыстычнага камітэта, у Беларусі кошты за 12 месяцаў выраслі на 5,6%.
Урад “прыняў пэўныя меры, каб узяць пад кантроль сістэму цэнаўтварэння”, і сёння “ў нейкай ступені” стрымліваць рост цэн удаецца, заявіў Аляксандр Лукашэнка 28 сакавіка на нарадзе аб рабоце банкаўскай сістэмы. Паводле яго слоў, ад практыкі дзяржрэгулявання цэн у Беларусі “не адступяць”.
Беларускае Радыё Рацыя
