Фракцыя апазіцыйнага кансерватыўнага блока ХДС/ХСС у бундэстагу патрабуе ўзмацніць санкцыі супраць рэжымаў Беларусі і Расеі. У прыватнасці — забараніць імпарт сельгаспрадукцыі, перадае DW.
Даходамі ад экспарту сельгаспрадукцыі Уладзімір Пуцін фінансуе толькі ваенную эканоміку Расеі, кажа эксперт ХДС/ХСС па пытаннях сельскагаспадарчай палітыкі Альберт Штэгеман. Нямецкі палітык мяркуе, што павышэнне пошлін на расейскае і беларускае збожжа — недастатковая мера.
У сакавіку Financial Times пісала, што ў 2023 годзе аб’ём імпарту збожжавых, насення алейных культур і прадуктаў іх перапрацоўкі з Расеі ў ЕЗ склаў 4 мільён тон. Гэта рэкордны паказчык, роўны 1% ад аб’ёму спажывання гэтых тавараў у Еўразвязе.
Раней з заклікам забараніць імпарт у ЕЗ збожжа з Беларусі і Расеі выступілі Літва, Латвія, Эстонія, Польшча і Чэхія.
Больш на сайце Радыё Рацыя
