У Беларусі з 1 чэрвеня паднімуць тарыфы на электраэнергію, а таксама на ацяпленне і падагрэў вады. Іх падвысяць на 24,8% – да 30,8592 рубля за 1 Гкал.
Да прыкладу, у двухпакаёвай кватэры ў Менску на 50 «квадратаў», у якой прапісаны адзін чалавек, за спажыты аб’ём ацяплення ў 1,0163 Гкал зараз трэба заплаціць 25,12 рубля. Па чэрвеньскіх тарыфах гэтая сума складзе 31,36 рубля. Розніца – 6,24 рубля.
Для кватэр, у якіх ніхто не зарэгістраваны, а таксама для «дармаедаў» тарыфы паднялі з 1 студзеня. За гэты ж спажыты аб’ём ацяплення ў такім жыллі трэба заплаціць 134,16 рубля (у снежні мінулага года было 128,35 рубля).
Нагадаем, у 2023 годзе з 1 чэрвеня таксама падвышалі субсідаваныя тарыфы на ацяпленне і падагрэў вады.
zerkalo.io
