26 красавіка Экадом завяршае Чарнобыльскі тыдзень, мэта якога — расказаць пра наступствы аварыі на ЧАЭС, якія нікуды не падзеліся, і прапанаваць альтэрнатыву ядзернаму шляху.
Пра ўрачыстыя мерапрыемствы распавядае менэджэрка грамадскага аб’яднання „Экадом” Карына Салавей:
26-га у тым ліку адбудзецца ўрачыстае ўскладанне кветак, якое ініцыюе офіс Святланы Ціханоўскай да скульптуры «Маці Чарнобыля». Падзеі будуць адбывацца і ў Познані, і ў Тбілісі, і ў Кракаве, і ў іншых гарадах. Плануем абмеркаваць у тым ліку магчымыя стратэгіі развіцця энергетыкі Беларусі, задаць пытанні, развеяць сумневы, ці сапраўды магчыма для Беларусі адмовіцца ад атамнай энергетыкі, і разам падыскутаваць га гэтую тэму.
Галоўная мэта Тыдня – прааналізаваць і абазначыць перспектывы Беларусі як безядзернай краіны. Аварыя стала найвялікшай тэхнагеннай катастрофай у гісторыі чалавецтва, наступствы якой неліквідаваны дагэтуль.
Беларускае Радыё Рацыя
