Палітзняволены журналіст Андрэй Пачобут ужо чацвёрты дзень народзінаў сустракае за кратамі. Беларусы і палякі сабраліся вузкім колам ва Усходнім доме, каб павіншаваць завочна Андрэя, пагаварыць пра яго і пажадаць яму і ўсім палітвязням найхутчэйшага вызвалення.
“Гэты мужны чалавек, беларускі герой, свядома ішоў на галгофу і нават гатовы прыняць смерць дзеля свабоды і дэмакратыі роднай Беларусі”, – кажа яго сябра, музыка Алесь Дзянісаў:
– Ён сапраўды для мяне герой. Таму што большасць людзей, якія сядзяць зараз у беларускіх турмах, – гэта ўсё ж такі ахвяры. Большасць з іх не ішла на тое, каб доўга сядзець, не ішла на тое, каб іх катавалі. Я ведаю яшчэ некалькі такіх людзей, якія зараз сядзяць, – людзі жалезныя. Анджэй ад самага пачатку рыхтаваліся. Ён мне сказаў: «Саша, ведаеш, праз што прайшлі мае продкі? Ім было значна цяжэй пры Сталіне. А тое, што зараз, – я ўжо гатовы». Ён менавіта быў гатовы, каб нават пайсці на смерць.
Андрэй Пачобут асуджаны да 8 год пазбаўлення волі ў калоніі ва ўмовах узмоцненага рэжыму па надуманых артыкулах. Прашэнне аб памілаванні пісаць адмовіўся.
Цалкам матэрыял:
Беларускае Радыё Рацыя
