У падраздзяленнях Беларускай чыгункі адбываюцца палітычна матываваныя звальненні і паглыбленыя праверкі патэнцыйных кандыдатаў на працу, паведамляе nn.by.
Па звестках супольнасці чыгуначнікаў Беларусі, кіраўніцтва БЧ нашпігавана выхадцамі з КДБ, МУС і пракуратуры. Падобныя штатныя памочнікі ёсць ва ўсіх аддзяленнях БЧ. Працуюць яны ў якасці намеснікаў начальнікаў аддзяленняў.
З гэтых прычын супрацоўнікам чыгункі даводзіцца рэгулярна сутыкацца з ідэалагічнай апрацоўкай і звальненнем нелаяльных рэжыму. Пры прыёме на працу кандыдаты праходзяць пільны кантроль па лініі сілавікоў.
