Канцэртная праграма, віншаванні і святочны абед. Такім чынам пройдзе сёлетні Дзень Волі ў Нью-Ёрку ў ЗША.
Асноўныя мерапрыемствы пройдуць 24 сакавіка, – распавёў сакратар Галоўнай управы Беларуска-Амерыканскага Задзіночання, намеснік галоўнага рэдактара часапісу “Беларус” Міхась Чаропка:
-У асноўным мерапрыемствы будуць адбывацца па Штатах 23 ці 24 сакавіка. У Нью-Ёрку, у Брукліне будзе святкаванне ў Грамадска-культурным цэнтры пры саборы імя св. Кірылы Тураўскага. Беларуска-Амерыканскае Задзіночанне ладзіць. Будзе ўрачыстая частка, будзе гістарычная лекцыя пра важнасць і значнасць абвяшчэння незалежнасці Беларускай Народнай Рэспублікі. А таксама канцэртная частка з удзелам этна-трыа сям’і Казакоў.
Мерапрыемствы стартуюць а 12-ай гадзіне па адрасе 401 Atlantic Ave Brooklyn, NY, Грамадска-культурны цэнтр пры саборы імя св. Кірылы Тураўскага.
Цалкам гутарка:
Беларускае Радыё Рацыя