Разынкай апошняй акцыі беларусаў Варшавы стаў перформанс беларускага мастака Канстанціна Мужава пад назвай «Чугун». Праўда, замест чугуноў былі ўжыты вёдры. Адно з якіх у мастака было надзета на галаву, з дзесятак стаяла перад ім. Невідушчы босы мастак з цяжкасцю поўз, натыкаючыся на вёдры, пакуль не садраў вядро з галавы.
Але далей ён патрапіў у вёдры нагамі і хада стала не на шмат лягчэй. Гэта зрэз нашага грамадства, кажа Канстанцін Мужаў.
– Гэта метафара, алегорыя таго, што адбываецца: ты зняў адно вядро з галавы, але ісці цяжка, бо ідзеш невядома куды, невядома як. Неяк няёмка, складана. А ў 2020 годзе яны вядро знялі і ішлі хто як, па-рознаму. Я яшчэ доўга ішоў.
Цалкам размова:
Мастак Канстанцін Мужаў вядомы ў Беларусі сваімі мінімалістычнымі скульптурамі і перформансамі. Ён сутыкае цялеснае і сацыяльнае. Беларуская прэса пісала, што «у мастацтве ён атрымлівае сваё выражэнне: непрыманне рамак, абмежаванняў, старонніх правіл. У нашым кансерватыўным арт-асяродку такія якасці неабходныя як паветра».
Беларускае Радыё Рацыя