Палітвязню Дзянісу Івашыну забаранілі перадачы з вітамінамі. Пра новае абмежаванне для палітвязняў паведаміла жонка зняволенага журналіста Вольга Івашына.
Цяпер, каб даслаць вітаміны ў турму ці калонію, неабходна атрымаць спецыяльны дазвол ад доктара медыцынскай часткі ўстановы. Раней такое правіла распаўсюджвалася толькі на неабходныя лекі.
«Ранейшы спіс дазволеных для перасылання вітамінаў скасаваны. Цяпер нават вітамін С нельга даслаць вязню без «рэкамендацыі медыка», — піша Вольга Івашына.
Дзяніс Івашын, асуджаны на 13 гадоў зняволення, ужо 1,5 года пазбаўлены прадуктовых перадач, у якіх можна было дасылаць садавіну ці гародніну, каб кампенсаваць недахоп вітамінаў.
Беларускае Радыё Рацыя
